Direktor:

Marc Schippert

jahr:

2004

Originaltitel:

The Ring Thing

Muss ich haben:

amazon.de

Die Mordor-Bewertung (2 Stimmen):
Diskussion: Kommentieren

Dies ist eigentlich keine Rezension, sondern ein Warnung. Vermutlich wird dieser Film niemals die Schweiz verlassen, und das ist auch gut so. Das soll nicht heissen, dass der Film schlecht ist. Aber der Humor ist seltsam würde ausserhalb unseres Landes wohl kaum verstanden werden.

Der unfähige Bankangestellte Fredi ( Edward Piccin) ist verliebt in seine Kollegin Heidi (Julia Nakamoura), der er auf einer Dienstreise im Flugzeug endlich seine Liebe gestehen will, indem er ihr einen teuren Ring schenkt. Doch beim Üben des Heiratsantrags auf der Flugzeugtoilette fällt der Ring ins Klo. Aus unerfindlichen Gründen bricht Fredi mitsamt Kloschüssel durch den Boden, mitten in die Schweizer Berge.Im Tal der Telehobbies lernt Fredi den gutmütigen Almgandhi (  Leo Roos), einen alten Zauberer mit permanentem Gedächtnisschwund, kennen und erfährt in einer die angebliche Geschichte seines Rings, der alle Macht der Erde in sich bannt.

Allen nicht-Schweizern wird empfohlen, sich von diesem Film fernzuhalten.

De Rescht verzelli i euisere Gheimsprach, susch erfahred die Andere na, dass de Film gar ned so schlächt isch. Aber de Humor z'verstah isch scho echt schwierig. Also vo Afang ah:

Zersch mal merkt mer, dass de Film überhaupt kei Gäld koschtet het. Flugi us Karton und Aluminium, Bäum us Brätter und so witer. Das isch aber scho rächt. D'Macher känned au gar nüt, jedi Möglickeit für en fuule Witz wird gnutzt. Doch de Humor isch seltsam. Mer weiss nie gnau, öb mer söll lache, oder öb das würklech eifach vil z'doof isch. Gueti Witz hez wenig, und die werded jewils drü mal wiederholt.

Chüe sind Uru-Cows (natürlech verchleideti Type, schlimmer als jede Monti Python) und sind die böse Monschter vom Sauraus ( Jörg Reichlin). Es het en schwuule (echt! Oh, vilech isches es Wiibli ... Hm) Plüschdrache wo nervt, en chindische Puppsi (Armin Arnold, sött de Sam si), de Almgandhi, also de Gandalf, isch e Schwuchtle mit Frauechleider, wo jedi Glaegeheit nutzt, das au z'zeige. Apropos Fraue:  D'Gwendi) mag ja immerna hübsch si, aber irgendwie isch si da doof und regt sogar uf. De Film isch eh ziemlich frauefindlich: die eini wett immer poppe, die anderi lauft allne, wo en Uniform ah hend, na. Rächt cool isch hingäge de Rackaroll (Sebastian Arenas, fascht scho de Viggo), mit sim Schwert: "Doppelscharf, rostfrei und antihaft-beschichtet!".

Das Grüppli zieht los, um de Ring wieder z'finde. Derbi findet's d'Elfin Grmpfli, wo vo ebe dem schwule Drache gfange gworde isch. I de Höhli (Moria) überlischted's de und mached e Party - mit de Grmpfli immer na a de Wand in Fessle, quasi als Deko. Lecker, und sowit au guet. Nachher hez usse a de Höhli e Stell am Wägrand, wo em Regisseur bsunders guet gfalle het: de Film blibt 20 min dete und dreiet sich im Chreis. Apropos: es het au würklech gueti Witz debi: einisch list de Almgandhi währet em riite e 20min-Ziitig. Oder er käpmpft mit em Sauraus: da hez sogar würklech gueti Special-Effekt. Nach langem Striite und enand us versehe de Chopf iischlah (immer wider: "Du bisch sonen Mongo!" ) gahz wiiter zum Sauraus in Vulkan (Matterhorn). De Wäg zeigt ihne de Schleimli (Ralph Vogt), wo de Ring früener gnah het, um Fraue ufzrisse. Dete wird de Sauraus denne besiegt (ich glaub ich verrate da kei Inhalt), bevor er sin ganze Chäs über d'Wält chan versprütze.

Trotz allne langwilige Witz: ich han eigentlech scho lang nümme so viel glacht im Kino wie bi dem Film. Solang mer weiss, uf was mer sich iilaht, isch alles OK. De Film isch ebe echt so doof, das er vilech Kult wird - vilech, es isch aber knapp. Wer weiss, vilech heissz scho bald wider: Switzerland - Zero Points

Offizielle Webpage

Die offizielle Seite des Filmes